Instant bensín

Olíufélögin virðast fá eldsneytið með DHL til landsins. Allavega líða ekki margir klukkutímar frá því að það verður hækkun á heimsmarkaðsverði þar til að hækkunin hefur skilað sér til okkar. Ég held að þeir fái instant - bensín, svona eins og instant - kakómalt. Þeir fá duft í poka með DHL hræra svo einni skeið í vatn og þá er komin olía eða bensín. Ég sé alla vega ekki fyrir mér að fraktskipin séu á fimmta hundraðinu með bensínið yfir hafið.

Athugasemdir

[Þorsteinn Sverrisson, 7.5.2008 kl. 21:41]

Ég held að það sé heilmikil leiksýning í sambandi við verðlagningu á bensíni hérlendis og hvernig hún tengist heimsmarkaðsverði.  Olíufélögin eru örugglega með ýmsa framvirka samninga, gengistryggingar og fleira til að jafna út verðið og minnka sveiflur. Ég held því að þau séu alls ekki eins háð heimsmarkaðsverði til skamms tíma eins og þau vilja vera að láta gagnvart íslenskum neytendum.  Hins vegar helst verðlagning hérna heima og heimsmarkaðsverð auðvitað í hendur til langs tíma litið.